Kiwa dang yoh COVID-19 ha India ha kini ki 24 kynta da em ki 16,838 ngut, kiwa dang chait da em ki 13,819 ngut, kiwa dang yap 113 ngut iwa mut wa kiwa dang em ya uni u khñiang da ku ki da 2,906 ngut.
Ka Maharashtra dang pteiñ hi ko wow man ka jylla wa boon dooh kiwa dang yoh kiwa em 8,998 ngut heiwa deiwa kheiñ wa kiwa dang chait da ku kiwa dang em ya uni u khñiang da 2,803 ngut katwa ka jylla wa boon dooh wa hiar kiwa dang em ya uni u khñiang toh ka Kerala da 1,554 ngut heiwa kiwa dang yoh da em ki 2,616 ngut.
Ki ki jylla wa boon wa hiar kiwa dang chah ktah nadooh ka 5 tarik u Feb hadooh 5 tarik u March toh ka Kerala kawa hiar na 69,109 cha 44,734, ka Uttar Pradesh na 4,629 ngut cha ka 2,029 ngut, West Bengal na 5,097 ngut cha ka 3,236 ngut, Chhattisgarh na 4,295 ngut cha 2,990 ngut wa ha Tamil Nadu na 4,467 ngut cha 3,978 ngut.
Hadooh ynne i step, da em leh 20 tylli ki jylla wa em hapoh 1000 ngut kiwa dang chah ktah kiwa duna dooh ha Arunachal Pradesh (2), D&D & D&N (6), A&N Islands (9), Meghalaya (13), Nagaland (15), Mizoram (18), Sikkim (32), Tripura (32), Manipur (32), Ladakh (43) toh ki jylla wa em hapoh 100 ngut kiwa dang chah ktah.
Waroh kiwa da chait da em ki 97.01% kiwa em 1,08,39,984 ngut, kiwa dang chah ktah 1.58% kiwa em 1,76,319 ngut, kiwa yap 1.41% kiwa em 1,57,548 ngut. Deilang dapoi 1,11,73,761 ngut kiwa da dep yoh ya uni u khñiang hapoh ka ri.
