Kiwa dang yoh COVID-19 ha India da em ki palat 40,000 ngut la ar sngi hadien wa kiwa dang yoh ha Kerala da em ki palat 30,000 ngut la ar sngi iwa mut wa na kiwa dang yoh ya uni u khñiang ha India kamwa 58% toh ha Kerala. Kiwa dang yoh COVID-19 ha ki sngi chwa ini da em ki leh hapoh 30,000 ngut wei hapoh 50,000 ngut la 61 sngi khlem sangeh.
Ha kini ki 24 kynta kiwa dang yoh da em ki 44,658 ngut (30,007 ngut kiwa na Kerala), kiwa dang chait da em ki 32,988 ngut, kiwa dang yap 496 ngut iwa mut wa kiwa dang em ya uni u khñiang da ku ki da 11,174 ngut.
Ynnin ka sngi da em leh 16 tylli ki jylla wa boon da kiwa dang yoh ya kiwa chait kiwa boon dooh ha Kerala heiwa kiwa dang yoh da tam ki da 10,918 ngut, Mizoram 388 ngut, Andhra Pradesh 387 ngut wa ha Maharashtra 213 ngut.
Ki jylla wa boon dooh kiwa dang chah ktah toh ha Kerala (1,81,747), Maharashtra (53,908), Karnataka (19,326), Tamil Nadu (18,069), Andhra Pradesh (14,448), West Bengal (9,167), Assam (7781), Odisha (7577) wa ha Telangana (6,246).
Ki jylla wa duna dooh wa em kiwa dang chah ktah toh ha Andaman & Nicobar Islands (04), Dadra and Nagar Haveli and Daman and Diu (06), Lakshadweep (32), Chandigarh (39), Ladakh (66), Madhya Pradesh (76), Bihar (107), Rajasthan (107), Jharkhand (139), Gujarat (157), Uttarakhand (324), Uttar Pradesh (342), Punjab (407), Delhi (413), Haryana (660), Chhattisgarh (595), Puducherry (767), Nagaland (845) wa ha Goa (950).
Ynnin ka sngi da leh 18,24,931 tylli ki Test heiwa kiwa chah ktah da em ki 2.45% kawa tip leh kam ka Positivity Rate kawa da neh hapoh 3% la 32 sngi.
Heiyatoh wa i e tika hapoh ka ri, da dep e la 61,22,08,542 sien heiwa ynnin ka sngi da e 79,48,439 sien.
Waroh kiwa da chait da em ki 97.60% kiwa em 3,18,21,428 ngut, kiwa dang chah ktah 1.06% kiwa em 3,44,899 ngut, kiwa yap 1.34% kiwa em 4,36,861 ngut, deilang dapoi 3,26,03,188 ngut kiwa da dep yoh ya uni u khñiang hapoh ka ri.
