Kiwa dang yoh COVID-19 ha India la ar sngi da neh ki hapoh 40,000 ngut heiwa kiwa dang yoh ha kini ki 24 kynta toh iwa duna dooh hadien 118 sngi iwa da pynhiar leh ya kiwa dang chah ktah cha ka 4.32 lak ngut iwa duna dooh hadien 109 sngi. Kiwa dang yoh leh da neh ki hapoh 50,000 ngut la 16 sngi.
Kiwa dang yoh ha kini ki 24 kynta da em ki 32,906 ngut, kiwa dang chait da em ki 49,007 ngut wa 2,020 ngut kiwa dang yap iwa mut wa kiwa dang em ya uni u khñiang da hiar ki da 18,121 ngut.
Ha kini ki 24 kynta da em leh du 4 tylli ki jylla wa boon da kiwa dang yoh ya kiwa chait kiwa kynthup ya ka Arunachal Pradesh wa tam da kiwa dang yoh 200 ngut, Manipur (285), Mizoram (332) wa ha Tripura (145).
Ki jylla wa boon dooh kiwa dang chah ktah toh ha Maharashtra (1,11,622), Kerala (1,11,578), Karnataka (34,881), Tamil Nadu (31,819), Andhra Pradesh (27,195), Odisha (21,683), Assam (20,941), West Bengal (14,531) wa ha Telangana (10,148).
Ynnin ka sngi da leh 17,40,325 tylli ki Test heiwa kiwa chah ktah da em ki 1.81% kawa tip leh kam ka Positivity Rate kawa da neh hapoh 3% la 22 sngi.
Heiyatoh wa i e tika hapoh ka ri, da dep wow e la 38,14,67,646 sien heiwa ynnin ka sngi da e 40,65,862 sien.
Waroh kiwa da chait da em ki 97.28% kiwa em 3,00,63,720 ngut, kiwa dang chah ktah da em ki 1.40% kiwa em 4,32,778 ngut, kiwa yap 1.33% kiwa em 4,10,784 ngut, deilang dapoi 3,09,07,282 ngut kiwa da dep yoh ya uni u khñiang hapoh ka ri.
