Kiwa dang yoh COVID-19 ha India ha kini ki 24 kynta da man ki kiwa duna dooh hadien 111 sngi, heiwa kiwa chait leh da pteiñ ki wow tam ya kiwa dang yoh la 54 sngi iwa da pynhiar ya kiwa dang chah ktah cha ka 4.64 lak iwa duna dooh hadien 101 sngi. Kiwa dang yoh leh da neh ko hapoh 50,000 ngut la 9 sngi.
Kiwa dang yoh ha kini ki 24 kynta da em ki 34,703 ngut, kiwa dang chait da em ki 51,864 ngut, kiwa dang yap 553 ngut iwa mut wa kiwa dang em ya uni u khñiang da hiar ki da 17,714 ngut.
Ha kini ki 24 kynta da em 5 tylli ki jylla wa boon da kiwa dang yoh ya kiwa dang chait kiwa kynthup ya ka Arunachal Pradesh wa tam da kiwa dang yoh da 157 ngut, Assam (88), Lakshadweep (04), Mizoram (149) wa ha Tripura (186).
Ki jylla wa boon dooh kiwa dang chah ktah toh ka Maharashtra (1,20,061), Kerala (1,01,097), Karnataka (42,019), Andhra Pradesh (33,964), Tamil Nadu (34,926), Odisha (26,347), Assam (23,590) West Bengal (17,950) wa ha Telangana (11,704).
Ynnin ka sngi da leh 16,47,424 tylli ki Test wei kiwa da chah ktah da em ki 2.11% kawa tip leh kam ka Positivity Rate kawa da neh hapoh 3% la 15 sngi.
Heiyatoh wa i e tika hapoh ka ri, da dep wow e la 35,75,53,612 sien heiwa ynnin ka sngi da e 45,82,246 sien.
Waroh kiwa da chait da em ki 97.17% kiwa em 2,97,52,294 ngut, kiwa dang chah ktah da em ki 1.52% kiwa em 4,64,357 ngut, kiwa yap da em ki 1.32% kiwa em 4,03,281 ngut, deilang dapoi 3,06,19,932 ngut kiwa da dep yoh ya uni u khñiang hapoh ka ri.
