Kiwa dang yoh COVID-19 ha India da boon biang ki ya kiwa dang chait heiwa ha kini ki 24 kynta kiwa dang yoh da em ki 44,059 ngut (iwa da pynpoi ya kiwa da dep yoh palat 91 lak ngut), kiwa dang chait da em ki 41,024 ngut, kiwa dang yap da em ki 511 ngut iwa mut wa kiwa dang em ya uni u khñiang da ku ki da 2,524 ngut. Kam wow pynkynmoo wa ini wa dep hadooh 47 sngi da boon bait da kiwa chait man-ka-sngi heiwa ha uni u bnai ini da man ko ka sngi wa le wa da boon da kiwa dang yoh.
Ini i boon kiwa dang yoh da wan ko leh deiwa em 14 tylli ki jylla wa boon da kiwa dang yoh ya kiwa dang chait heiwa ki jylla wa tam boon da kiwa dang yoh toh ha Maharashtra 1,643 ngut, Rajasthan 1,239 ngut, Chhattisgarh 734 ngut wa ha Madhya Pradesh 573 ngut.
Ki jylla won wa boon dooh kiwa dang chait toh ha Kerala 6,227 ngut, Delhi 6,154 ngut, Maharashtra 4,060 ngut, West Bengal 3,726 ngut, Haryana 2,235 ngut, Uttar Pradesh 2,187 ngut wa ha Tamil Nadu 2,010 ngut.
Tangwa hanla da sdang biang u ku kiwa dang yoh, da em leh 26 tylli ki jylla/UT wa em hapoh 20,000 ngut kiwa dang em ya uni u khñiang iwa duna dooh ha D&D & D&N kiwa em 39 ngut.
Waroh kiwa da chait hapoh ka ri da em ki 93.69% kiwa em 85,62,641 ngut, kiwa dang em ya uni u khñiang da em ki 4.85% kiwa em 4,43,486 ngut, wa 1.46% kiwa yap kiwa em 1,33,738 ngut, deilang waroh da em 91,39,865 ngut kiwa da dep yoh ya uni u khñiang.
Kiwa da chait da tam ki da 81,19,155 ngut ya kiwa dang em ya uni u khñiang iwa ku da 38,500 ngut nadooh ynnin ka sngi.
