Kiwa dang yoh ya u COVID-19 ha India da boon biang ya kiwa dang chait la ar sngi heiwa ha kini ki 24 kynta kiwa dang yoh da em ki 44,489 ngut, kiwa dang chait da em ki 36,367 ngut, kiwa dang yap da em ki 524 ngut iwa mut wa kiwa dang em ya uni u khñiang da ku ki da 7,598 ngut.
Kiwa boon dooh kiwa dang yoh toh ha Kerala 6,491 ngut, Maharashtra 6,159 ngut,Delhi 5,246 ngut, West Bengal 3,528 ngut, Rajasthan 3,285 ngut wa ha Uttar Pradesh 2,305 ngut. Waroh da em 19 tylli ki jylla kiwa boon da kiwa dang yoh ya kiwa dang chait ha kini ki 24 kynta.
Na waroh kiwa dang em ya uni u khñiang, 65% toh kiwa em hapoh ki 8 tylli ki jylla kiwa boon dooh ha Maharashtra 85,488 ngut, Kerala 65,234 ngut, Delhi 38,320 ngut, Uttar Pradesh 24,876 ngut, West Bengal 24,752 ngut, Haryana 20,948 ngut wa ha Punjab 7,129 ngut.
Kiwa da chait hapoh ka ri da em ki 93.66% iwa hiar naka 93.72% kiwa em 86,79,138 ngut, kiwa dang em ya uni u khñiang da em ki 4.88% iwa ku naka 4.82% kiwa em 4,52,344 ngut, wa 1.46% kiwa yap kiwa em 1,35,223 ngut, waroh da poi 92,66,705 ngut kiwa da dep yoh ya uni u khñiang.
Kiwa chait da tam ki da 82,26,794 ngut ya kiwa dang em ya uni u khñiang iwa ku da 28,769 nadooh ynnin ka sngi.
