Kiwa dang chah ktah ha u COVID-19 ha India da ku biang ki cha palat 2 lak ngut hadien chi bnai wa em duna dooh ki 1,35,926 ngut haka 12 Thohlakhmi, neidaw wa ki kattu katni ki jylla khamtam ka Maharashtra pteiñ bait u boon kiwa dang yoh ya kiwa chait.
Kiwa dang yoh ha kini ki 24 kynta da em ki 24,882 ngut, kiwa dang chait da em ki 19,957 ngut, kiwa dang yap 140 ngut, iwa mut wa kiwa dang em ya uni u khñiang da ku ki da 4,785 ngut.
88% na kiwa dang yoh toh kiwa em ha ki 7 tylli ki jylla kiwa boon dooh ha Maharashtra 15,817 ngut, Kerala 1,780 ngut, Punjab 1,408 ngut, Karnataka 833 ngut, Gujarat 715 ngut, Tamil Nadu 670 ngut wa ha Madhya Pradesh 603 ngut.
Da em leh 20 tylli ki jylla wa em hapoh 1000 ngut kiwa dang em ya uni u khñiang kiwa duna dooh ha Arunachal Pradesh (4), A&N Islands (6), Mizoram (9), Nagaland (10), Tripura (10), Meghalaya (20), D&D & D&N (24), Ladakh (30), Manipur (30), Sikkim (54), Puducherry (186), Lakshadweep (206) wa Bhiar (324) toh kiwa em hapoh 500 ngut kiwa dang chah ktah.
Waroh kiwa da chait da em ki 96.82% kiwa em 1,09,73,260 ngut, kiwa dang em ya uni u khñiang da em ki 1.78% kiwa em 2,02,022 ngut, kiwa yap 1.40% kiwa em 1,58,446 ngut. Deilang waroh dapoi 1,13,33,728 ngut kiwa da dep yoh ya uni u khñiang hapoh ka ri.
I e dawai yada COVID-19 ha kini ki 24 kynta toh iwa boon dooh nadooh wa sdang heiwa da e hadooh 20,53,537 sien kawa man leh ka sngi wa 56 wa e dawai.
Ki Health Care Worker kiwa da yoh dawai da em ki 72,93,575 ngut, ki Front Line Worker da em ki 72,35,745 ngut, kiwa em 45 hadooh 59 snem i rta kiwa em chwa yei chitom da em 12,54,468 ngut kiwa da yoh katwa kiwa em 60 snem chaneiñ da em 72,91,716 ngut kiwa da yoh dawai.
