Kiwa dang yoh COVID-19 ha India ha kini ki 24 kynta da em ki 17,407 ngut, kiwa dang chait da em ki 14,031 ngut, kiwa dang yap 89 ngut iwa mut wa kiwa dang em ya uni u khñiang da ku i da 3,287 ngut.
Ini i ku kiwa dang yoh toh neidaw wa ha Mahrashtra kiwa dang yoh da em ki 9,855 ngut deiwa kheiñ wa kiwa dang chait, da ku da 3,254 kiwa dang chah ktah du hapoh Maharashtra.
Na ki jylla wa boon dooh wa hiar kiwa dang chait toh ha Kerala da 1,281 ngut.
86% na kiwa dang yoh COVID-19 toh kiwa em ha ki 6 tylli ki jylla kitæ ha Maharashtra 9,855 ngut, Kerala 2,765 ngut, Punjab 772 ngut, Karnataka 528 ngut, Tamil Nadu 489 ngut wa ha Gujarat 475 ngut.
Waroh kiwa da chait da em ki 97.03% kiwa em 1,08,26,075 ngut, kiwa dang em ya uni u khñiang da em ki 1.55% kiwa em 1,73,413 ngut, kiwa da yap 1.41% kiwa em 1,57,435 ngut. Deilang dapoi 1,11,56,923 ngut kiwa da dep yoh ya uni u khñiang hapoh ka ri.
I e dawai yada COVID-19 hapoh ka ri da dep wow leh 1,66,16,048 sien heiwa na kini toh 67,90,808 ngut ki wakreh Health Care Worker, heiwa na kini da em 28,72,725 ngut iwa da yoh dawai la arsien, da em 58,03,856 ngut ki wakreh Front Line Worker kiwa da yoh dawai chisien katwa 4,202 ngut na ki da yoh ki yei dawai la arsien.
Kiwa em 45 hadooh 59 snem kiwa da em chwa yei chitom kiwa da yoh yeini i dawai chisien da em ki 1,43,759 ngut katwa kiwa em 60 snem chaneiñ won da em ki 10,00,698 ngut.
I e dawai ynnin ka 3 tarik toh iwa da e 9,94,452 sien.
