COVID-19: Ku kiwa dang yoh cha 1.59 lak ngut ha India

Kiwa dang yoh COVID-19 ha India ha kini ki 24 kynta da em ki 1,59,632 ngut (ynnin 1,41,986 ngut), kiwa dang chait 40,863 ngut, kiwa yap 327 ngut iwa mut wa kiwa dang chah ktah da ku ki da 1,18,442 iwa pynman ya ki wow em ki palat 5 lak ngut.

Ha kini ki 24 kynta da em du kawi ka jylla wa boon da kiwa chait ya kiwa dang yoh katæ toh ka Nagaland wa boon da kiwa chait arngut katwa ha Maharashtra da tam da kiwa dang yoh da 31,750 ngut, ha West Bengal 10,671 ngut, Tamil Nadu 9443 ngut, Karnataka 8394 ngut wa ha Delhi 8305 ngut kam ki jylla wa boon dooh wa tam da kiwa dang yoh ya kiwa chait.

Heiyatoh wa kiwa yoh Omicron da em ki waroh 3,623 ngut iwa ku da 552 ngut nadooh ynnin katwa kiwa chait da em ki waroh 1,409 ngut. Ha Maharashtra kiwa da yoh Omicron da em ki 1,009 ngut kawa man leh ka jylla wa nyngkong dooh wa tam 1000 ngut iwa pynbood saka Delhi 513 ngut wa ha Karnataka 441 ngut kam ki jylla wa boon dooh kiwa da dep yoh Omicron.

Ynnin ka sngi da leh 15,63,566 tylli ki Test heiwa kiwa chah ktah da em ki 10.21% kawa tip leh kam ka Positivity Rate. I poi ka Positivity Rate cha ka 10% da pynyoo leh wa da joor bha i poor ka khlam hapoh ka ri.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Waroh kiwa dang chah ktah da em ki 5,90,611 ngut iwa mut 1.66%, kiwa da chait da em ki 3,44,53,603 ngut wa kiwa yap 4,83,790 ngut kiwa em 1.36%.

Heiyatoh wa i e tika hapoh ka ri, da dep wow e la 1,51,57,60,645 sien heiwa ynnin ka sngi da e 89,28,316 sien.

Ki jylla wa chah ktah ha u Omicron man ki kamni ha wah:

Statewise status of Omicron Variant