Kiwa yoh COVID-19 ha India da pteiñ biang ki wow ku heiwa ha kini ki 24 kynta da em ki palat 25,000 ngut deiwa em 27,553 ngut, kiwa chait da em ki 9,249 ngut wa kiwa yap 284 ngut iwa mut kiwa dang chah ktah da ku ki da 18,020 ngut.
Ha kini ki 24 kynta da em du 3 tylli ki jylla wa boon da kiwa chait ya kiwa dang yoh heiwa kiwa boon dooh wa tam da kiwa dang yoh toh ha Maharashtra 7718 ngut, West Bengal 2590 ngut wa ha Delhi 1950 ngut.
Kiwa da yoh ya u Omicron won da ku ki cha 1,525 ngut iwa ku naka 1431 ngut ynnin ka sngi katwa waroh kiwa da chait da em ki 488 ngut. Ha Maharashtra kiwa da yoh da em ki 454 ngut, ha Delhi 351 ngut, Tamil Nadu 118 ngut, Gujarat 115 ngut wa ha Kerala 109 ngut kiwa man ki jylla wa da em palat 100 ngut kiwa da yoh ya u Omicron.
Ynnin ka sngi da leh 10,82,376 tylli ki Test heiwa kiwa chah ktah da em ki 2.55% kawa tip leh kam ka Positivity Rate. Waroh ki Test wa da leh nadooh was dang toh la 68 klur tylli.
Waroh kiwa dang chah ktah da em ki 1,22,801 ngut iwa man 0.35%, kiwa da chait da em ki 3,42,84,561 ngut iwa mut 98.27%, kiwa da yap 4,81,770 ngut iwa mut 1.38% deilang dapoi 3,48,89,132 ngut kiwa da dep yoh ya uni u khñiang hapoh ka ri.
Heiyatoh wa i e tika da dep wow e la 1,45,44,13,005 sien heiwa ynnin ka sngi da e 25,75,225 sien.
