Hadien wa chi sngi boon da kiwa dang yoh COVID-19 ya kiwa chait ha India, ynne da boon biang da kiwa chait kiwa em 44,459 ngut, kiwa dang yoh 43,393 ngut, kiwa dang yap 911 ngut iwa mut wa kiwa dang em ya uni u khñiang da hiar ki da 1,977 ngut.
Kiwa dang yoh da neh ki hapoh 50,000 ngut la 12 sngi.
Ha kini ki 24 kynta da em 9 tylli ki jylla wa boon da kiwa dang yoh kiwa kynthup ya ka Arunachal Pradesh (97), Chandigarh (01), Goa (15), Kerala (2216), Manipur (193), Meghalaya (162), Puducherry (09), Sikkim (169) wa ha Tripura (53).
Ki jylla wa boon dooh kiwa dang chah ktah toh ka Maharashtra (1,17,698), Kerala (1,10,616), Karnataka (38,752), Tamil Nadu (33,665), Andhra Pradesh (31,850), Odisha (24,737), Assam (23,048), West Bengal (16,143) wa ha Telangana (11,206).
Na ki 17,90,708 tylli ki Test wa da leh ynnin ka sngi, kiwa chah ktah da em ki 2.42% kawa tip leh kam ka Positivity Rate kawa da neh hapoh 3% la 18 sngi.
Heiyatoh wa i e tika hapoh ka ri, da dep wow e la 36,89,91,222 sien heiwa ynnin ka sngi da e 40,23,173 sien. Da em leh 8 tylli ki jylla kitæ ka Uttar Pradesh, Madhya Pradesh, Rajasthan, Tamil Nadu, Bihar, Gujarat, Karnataka wa Maharashtra kiwa da dep e tika palat 50 lak sien neibynta kiwa 18-44 snem i rta.
Waroh kiwa da chait da em ki 97.19% kiwa em 2,98,88,284 ngut, kiwa dang chah ktah da em ki 1.49% kiwa em 4,58,727 ngut, kiwa yap 1.32% kiwa em 4,05,939 ngut, deilang dapoi 3,07,52,950 ngut kiwa da dep yoh ya uni u khñiang hapoh ka ri.
