Ka Ministry of Health and Family Welfare ka sorkar India da pyntip ko wa ha kini ki 24 kynta itæ hadooh 8 waje i step ka 25 tarik, kiwa chah ktah ha u COVID-19 da em ki 6,977 ngut.
Na kini ki 6,977 ngut, 3,543 ngut toh kiwa dang yoh thymme katwa kiwa chait da em ki 3,280 ngut iwa da boon biang kiwa dang yoh bar ya kiwa chait. Kiwa yap da em ki 154 ngut.
Ka jylla Maharashtra da man ko ka jylla wa nyngkong wa tam 50 hajar ngut kiwa chah ktah deiwa em 50,231 ngut heiwa na kini kiwa da chait da em ki 14,600 ngut wei da yap 1635 ngut. Ha kini ki 24 kynta won kiwa dang yoh ya u COVID-19 da em ki 1,787 ngut.
Ha Rajasthan kiwa dang yoh da em ki 221 ngut, ha Delhi 205 ngut, ha Bihar 156 ngut, ha West Bengal 147 ngut, ha Madhya Pradesh 144 ngut, ha Gujarat 120 ngut wa ha Uttar Pradesh 113 ngut kiwa man ki jylla kiwa da tam chi spah kiwa dang yoh ya u COVID-19.
Haka ri waroh kawi deiwa kheiñlang ya kiwa dang chah ktah (Active Case) kiwa em 77,103 ngut, kiwa chait wa em 57,721 ngut wa kiwa yap wa em 4,021 ngut; da em waroh 138,845 ngut.
Deiwa kheiñ won hapoh pyrthai, ka India da man ko ka ri wa 10 kawa chah ktah dooh ha u COVID-19. Ka USA dang man hi ko kawa chah ktah dooh kawa em 1.6 Million ngut kiwa chah ktah.
Discussion about this post