Kiwa chah ktah ha u COVID-19 hapoh ka ri ha kini ki 24 kynta da em ki 48,661 ngut iwa da man ka sngi wa soo wa da tam bait 40 hajar ngut, katkam i yukheiñ ka Ministry of Health & Family Welfare Deilang waka ICMR.
Kiwa chait da em ki 36,145 ngut iwa boon dooh haka chi sngi, kiwa yap da em sa 705 ngut katwa kiwa dang em ya uni u khñiang da ku 11,811 ngut.
Ka jylla Maharashtra kawa chah ktah dooh hapoh ka ri, da tam ko 2 lak ngut kiwa chait kiwa da em waroh 2,07,194 ngut katwa kiwa dang em ya uni u khñiang da em ki 1,45,785 ngut kiwa ku da 1,767 ngut ha kini ki 24 kynta.
Kiwi de ki jylla wa ku kiwa dang em ya uni u khñiang toh ka Andhra Pradesh 4,441 ngut, Karnataka 2,597 ngut, Bihar 954 ngut, Uttar Pradesh 741 ngut waka Odisha 582 ngut.
Ha Delhi dang pteiñ biang i hiar kiwa dang em ya uni u khñiang da 1,024 ngut heiwa kiwa dang em ya uni u khñiang da em ki 12,657 ngut katwa kiwa chait da em ki 1,13,068 ngut.
Hapoh ka ri da em 63.92% kiwa chait iwa ku naka 63.54% kiwa em waroh 885,577 ngut, kiwa dang em ya uni u khñiang da em ki 33.77% iwa hiar naka 34.11% kiwa em waroh 467,882 ngut katwa kiwa yap da em ki 2.31% kiwa em 32,063 ngut. Kiwa da em waroh 13,85,522 ngut.
Kiwa chait da tam ki da 4,17,695 ngut ya kiwa dang em ya uni u khñiang iwa man ka sien nyngkong wa da tam 4 lak ngut iwa ku da 24,334 ngut nadooh ynnin ka sngi.
