Kiwa dang yoh COVID-19 ha India da neh ki hapoh 2 lak ngut la 6 sngi khlem sangeh wei kiwa dang chait da tam ki ya kiwa dang yoh la 20 sngi khlem sangeh katwa ka Positivity Rate namo ki bru wa yoh ya u khñiang na kiwa chah Test da em ko 6.57% iwa da man leh 9 sngi wa da neh ko hapoh 10%.
Kiwa dang yoh ha kini ki 24 kynta da em ki 1,32,788 ngut, kiwa dang chait da em ki 2,31,456 ngut, kiwa dang yap 3,207 ngut iwa mut wa kiwa dang em ya uni u khñiang da hiar ki da 1,01,875 ngut.
Ki Test wa da leh ha kini ki 24 kynta da em ki 20,19,773 tylli heiwa kiwa yoh ya uni u khñiang na kiwa chah Test da em ki 6.75%.
Ha kini ki 24 kynta leh da em du 3 tylli ki jylla wa boon da kiwa dang yoh ya kiwa chait kiwa kynthup ya ka Arunachal Pradesh wa tam kiwa dang yoh da 17 ngut, Manipur 151 ngut wa ha Mizoram 98 ngut.
Da em leh du 5 tylli ki jylla wa em palat 10,000 ngut kiwa dang yoh kiwa kynthup ya ka Tamil Nadu 26,513 ngut, Kerala 19,760 ngut, Karnataka 14,304 ngut, Maharashtra 14,123 ngut wa ha Andhra Pradesh 11,303 ngut.
Ki jylla wa em palat 1 lak ngut kiwa dang chah ktah da em ki 5 tylli kiwa kynthup ya ka Karnataka 2,98,320 ngut, Maharashtra 2,33,498 ngut, Kerala 2,02,828 ngut wa ha Andhra Pradesh 1,46,737 ngut.
Waroh kiwa da chait da em ki 92.48% kiwa em 2,61,79,085 ngut, kiwa dang chah ktah da em ki 6.34% kiwa em 17,93,645 ngut, kiwa yap 1.18% kiwa em 3,35,102 ngut, deilang dapoi 2,83,07,832 ngut kiwa da dep yoh ya uni u khñiang hapoh ka ri.
Heiyatoh wa i e dawai tika hapoh ka ri, da dep wow e la 21,85,46,667 sien heiwa ynnin ka sngi da e 23,97,191 sien.
