Kiwa da yoh ya u Omicron ha India hadooh ynne da em ki ha ki 21 tylli ki jylla iwa ku naka 19 tylli ynnin ka sngi deiwa chem thymme ha Manipur wa ha Goa.
Waroh kiwa da yoh ya u Omicron da em ki 653 ngut iwa ku da 75 ngut nadooh ynnin. Katwa waroh kiwa da chait won da em ki 186 ngut iwa da ku da 35 ngut.
Ka jylla wa boon dooh wa em kiwa yoh Omicron toh ha Maharashtra 167 ngut, Delhi 165 ngut, Kerala 57 ngut wa Telangana 55 ngut katwa ha kiwi ki jylla da em ki hapoh 50 ngut.
Ha iwi won i liang, kiwa dang yoh COVID-19 waroh ha kini ki 24 kynta da em ki 6,358 ngut, kiwa chait 6,450 ngut wa 293 ngut kiwa yap iwa mut wa kiwa dang em ya uni u khñiang da hiar ki da 385 ngut.
Waroh kiwa dang chah ktah da em ki 75,456 ngut iwa em 0.22%, kiwa da chait da em ki 3,42,43,945 iwa man 98.40% wa kiwa yap 4,80,290 ngut kiwa em 1.38%.
Ynnin ka sngi da leh 10,35,495 tylli ki Test heiwa kiwa chah ktah da em ki 0.61% kawa tip leh kam ka Positivity Rate kawa da neh hapoh 2% la 85 sngi.
