Ka Ministry of Health & Family Welfare ka ri India da pyntip ko wa ha kini ki 24 kynta itæ hadooh ka 8 waje i step ynne ka 5 tarik, kiwa chah ktah ha u COVID-19 da em ki 9,851 ngut.
Na kini ki 9,851 ngut, 4,223 ngut toh kiwa dang yoh katwa kiwa chait da em ki 5,335 ngut iwa da ku biang da kiwa chait bar ya kiwa dang yoh. Kiwa yap da em ki 273 ngut.
Kiwa dang chah ktah (Active Case) waroh em ki 110,960 ngut katwa kiwa chait da em ki 109,462 ngut iwa mut wa boon kiwa dang chah ktah da 1,498 ngut ya kiwa chait heiwa kiwa chait da em ki 48.27%. Kiwa yap waroh da em ki 6,348 ngut. Deiwa kheiñlang waroh nadooh kiwa da chait, kiwa dang chah ktah wa kiwa yap ha u COVID-91 da em ki 226,770 ngut.
Waroh ki thaw Test ya u COVID-19 hapoh ka ri da em 507 tylli ki yong ka sorkar wa 217 tylli ki yong ki bru samen iwa da poi waroh 724 tylli. Ha kini ki 24 kynta da Test 1,43,661 tylli ki Sample wei waroh hadooh kattæ da dep Test 43,86,379 tylli ki Sample.
