Ka Ministry of Health and Family Welfare da pyntip ko wa ha kini ki 24 kynta kiwa chah ktah ha u COVID-19 hapoh India da em ki 9,971 ngut.
Na kini ki 9,771 ngut kiwa dang yoh ya u COVID-19 da em ki 4,464 ngut kiwa chait da em ki 5,220 ngut katwa kiwa yap da em ki 287 ngut.
Ha jylla Maharashtra iwa da man i sien wa nyngkong nadooh wa joor i poor uni u khñiang wa em 385 ngut kiwa dang yoh ya u COVID-19 neiwa jooh wa da tam chihajar chi sngi. Kiwa chait leh da boon ki deiwa em 2,234 ngut ha kini ki 24 kynta.
Ki jylla wa da tam 500 ngut kiwa dang yoh ha kini ki 24 kynta toh ka Delhi 918 ngut waka Tamil Nadu wa em 806 ngut.
Waroh kiwa dang em (Active) ya u COVID-19 hapoh ka ri da em ki 1,20,406 ngut, kiwa da chait da em ki 1,19,293 ngut iwa tam kiwa dang em ya u khñiang ya kiwa da chait da 1,113 ngut. Waroh kiwa yap em ki 6,929 ngut iwa poi waroh 2,46,628 ngut.
Ini mut da man ka ri India kawa 6 naki ri wa chah ktah dooh ha u COVID-19 hapoh pyrthai wei da em ha chwa yong ka ka ri United Kingdom, Spain, Russia, Brazil waka USA.
