Ka Ministry of Health & Family Welfare ka sorkar India da pyntip ko wa hadooh 9 waje ynne i step ka 4 tarik kiwa dang em ya u khñiang COVID-19 (Active Case) da em ki 2650 ngut iwa ku da 318 ngut haka 24 kynta wa nadooh 9 waje i miet ynnin ka sngi.
Kiwa yap da em 68 ngut iwa ku naka 62 ngut ynnin i miet.
Kiwa dang yap toh 2 ngut ha Delhi, ha Gujarat uwi wa 3 ngut ha Maharashtra.
Kiwa da chait da em ki 184 ngut iwa ku naka 163 ngut.
Ha jylla Assam u montri i chait i khiah u Himanta Biswa Sarma ynne i step da pynbna u wa da em sa uwi wa yoh ya uni u khñiang COVID-19 uwa na North Lakhimpur District yow poi waroh kiwa da yoh cha ka 25 ngut. Wei uni leh toh uwa man naka yalang niam ha Delhi.
Ha Delhi kiwa yoh ya u COVID-19 da ku cha ka 386 ngut naka 219 ngut, ha Andhra Pradesh 161 ngut naka 132 ngut, ha Maharashtra 423 ngut naka 335 ngut, ha Punjab 53 ngut naka 48 ngut, ha Rajasthan 179 ngut naka 167 ngut, ha Tamil Nadu 411 ngut naka 309 ngut kiwa man ki jylla wa da ku kiwa yoh ya uni u khñiang ha kini ki 24 kynta.
Lada kheiñlang waroh kiwa da yoh ya uni u khñiang, kiwa da chait wa kiwa da yap da poi 3154 ngut.
Discussion about this post