Ka Ministry of Health & Family Welfare ka ri India da pyntip ko wa ha kini ki 24 kynta itæ hadooh 8 waje i step ka 12 tarik kiwa chah ktah ha u COVID-19 da em ki 10,956 ngut iwa boon dooh haka chi sngi.
Na kini ki 10,956 ngut, 6166 ngut toh kiwa dang chait wa 4,394 ngut kiwa dang yoh ya uni u khñiang. Kiwa dang yap won da em ki 396 ngut.
Waroh won, kiwa chait da em ki 147,195 ngut katwa kiwa dang em ya uni u khñiang da em ki 141,842 ngut iwa da tam kiwa da chait da 5,353 ngut. Waroh kiwa yap da em ki 8,498 ngut. Waroh kini deilang da em 297,535 ngut kiwa chah ktah hapoh ka ri iwa da pynpoi yaka India cha iwa 4 naki ri wa chah ktah dooh ha u COVID-19 hapoh pyrthai.
Ki ri wa dang em hakhmat ka India toh ka Russia, Brazil waka United States
Hanla kattæ leh kiwa chait dang ku ki man ka sngi wei da tam ki leh ya kiwa dang yoh heiwa kiwa chait da em ki 49.5%. Kiwa dang em ya uni u khñiang da em ki 47.7% katwa kiwa yap da em ki 2.8%.
