Kiwa dang yoh COVID-19 ha India da neh ki hapoh 50,000 ngut la 3 sngi wei kiwa chait leh da tam ki ya kiwa dang yoh la 48 sngi khlem sangeh.
Kiwa dang yoh ha kini ki 24 kynta da em ki 45,951 ngut, kiwa dang chait da em ki 60,729 ngut, kiwa dang yap da em ki 817 ngut iwa mut wa kiwa dang em ya uni u khñiang da hiar ki da 15,595 ngut.
Ha kini ki 24 kynta da em leh 8 tylli ki jylla wa boon da kiwa dang yoh ya kiwa chait wa kynthup ya ka Arunachal Pradesh wa boon da kiwa dang yoh 110 ngut, Assam 649 ngut, Dadra and Nagar Haveli and Daman and Diu 2 ngut, Kerala 3163 ngut, Lakshadweep 11 ngut, Manipur 281 ngut, Mizoram 39 ngut, Sikkim 38 ngut wa ha Tripura 49 ngut.
Ki jylla wa em hapoh 1000 ngut kiwa dang chah ktah toh ha Andaman & Nicobar Islands (42), Dadra and Nagar Haveli and Daman and Diu (44), Chandigarh (163), Ladakh (271), Lakshadweep (306), Madhya Pradesh (630) wa ha Jharkhand (949).
Ha kini ki 24 kynta da leh 19,60,757 tylli ki Test heiwa kiwa chah ktah da em ki 2.34% kawa tip leh kam ka Positivity Rate kawa da neh hapoh 5% la 23 sngi kattu.
Heiyatoh wa i e tika hapoh kari, da dep wow e la 33,28,54,527 sien heiwa ynnin ka sngi da e 36,51,983 sien.
Waroh kiwa da chait da em ki 96.92% kiwa em 2,94,27,330 ngut, kiwa dang chah ktah da em ki 1.77% kiwa em 5,37,064 ngut, kiwa yap 1.31% kiwa em 3,98,454 ngut, deilang dapoi 3,03,62,848 ngut kiwa da dep yoh ya uni u khñiang hapoh ka ri.
