Kiwa dang em ya u COVID-19 ha India da ku ki cha 7 lak ngut ha kini ki 24 kynta hadien wa em 69,239 ngut kiwa dang chah ktah katkam ka yukheiñ ka Ministry of Health & Family Welfare.
Na kiwa dang chah ktah da em leh 57,989 ngut kiwa dang chait, kiwa yap da em sa 912 ngut katwa kiwa dang em ya uni u khñiang da ku ki da 10,338 ngut.
Ki jylla wa bood dooh kiwa dang chait toh ka Maharashtra 9241 ngut, Andhra Pradesh 8593 ngut, Karnataka 7626 ngut, Tamil Nadu 5603 ngut, Uttar Pradesh 4638 ngut, Bihar 3306 ngut wa 3088 ngut ha West Bengal.
Ki jylla wa ku dooh kiwa dang em ya uni u khñiang toh ha Maharashtra 4954 ngut, Andhra Pradesh 1586 ngut wa ha Odisha 1037 ngut. Ki jylla won wa boon dooh kiwa hiar kiwa dang em ya u COVID-19 toh ha Bihar 1195 ngut wa ha Assam 492 ngut.
Kiwa chait hapoh ka ri da em ki 74.90% iwa ku naka 74.69% kiwa em 22,80,566 ngut, kiwa dang em ya uni u khñiang da em ki 23.24% iwa hiar naka 23.43% kiwa em 7,07,668 ngut wa 1.86% kiwa yap kiwa em 56,706 ngut. Waroh da em 30,44,940 ngut kiwa da dep yoh COVID-19.
Kiwa chait da tam ki da 15,72,898 ngut ya kiwa dang em ya uni u khñiang iwa ku da 47,651 ngut nadooh ynnin ka sngi.
