Ka Ministry of Health & Family ka sorkar India da pyntip ko wa ha kini ki 24 kynta itæ hadooh 8 waje ynne i step ka 14 tarik, kiwa dang chah ktah ha u COVID-19 da em ki 11,929 ngut iwa boon dooh haka chi sngi.
Ini i ku toh neidaw wa naki 11,929 ngut, da em 8,049 ngut kiwa da chait kiwa boon dooh haka chi sngi, kiwa dang yoh COVID-19 da em ki 3,569 ngut katwa kiwa yap da em ki 311 ngut.
Waroh kiwa chait da em ki 162,379 ngut iwa man 50.6%. Kiwa dang em ya u khñiang da em ki 149,348 ngut iwa man 46.5%. Iwa mut wa da tam kiwa chait da 13,031 ngut ya kiwa dang em ya uni u khñiang. Kiwa yap waroh da em ki 9,195 ngut. Deiwa kheiñlang waroh kiwa chah ktah da em ki 320,922 ngut.
Ka jylla kawa chah ktah dooh hapoh ka ri dang man hi ko ka Maharashtra kawa da em 104568 ngut kiwa da yoh heiwa na kini kiwa da chait da em ki 49,346 ngut katwa kiwa dang em ya uni u khñiang da em ki 51,392 ngut, katwa kiwa yap da em 3830 ngut.
Ki jylla won kiwa em hapoh 100 ngut kiwa yoh COVID-19 toh ka Dadar and Nagar Haveli and Daman and Diu kawa em 35 ngut, ka Andaman and Nicobar Islands 38 ngut, ka Meghalaya 44 ngut, ka Sikkim 63 ngut waka Arunachal Pradesh 87 ngut.
