Ka Ministry of Health & Family Welfare ka sorkar India da pyntip ko wa hadooh 6 waje ynne i miet ka 5 tarik kiwa dang em ya u khñiang COVID-19 (Active Case) da em ki 3219 ngut iwa ku da 189 ngut nadooh ynne i step wa em 3030 ngut.
Kiwa yap da em 83 ngut iwa da ku naka 77 ngut nadooh ynne i step.
Kiwa dang yap toh ha Delhi uwi, ha Gujarat uwi, ha Haryana uwi wa ha Madhya Pradesh 3 ngut.
Kiwa da chait da em ki 275 ngut iwa da ku naka 267 ngut.
Ka Delhi da em 503 ngut kiwa da yoh ya uni u khñiang wei da tam ko yaka Maharashtra kawa jooh boon dooh kawa em katni 490 ngut. Tangwa ka Maharastra da man ko kawa boon dooh kiwa yap kiwa da poi 24 ngut katwa ha Delhi da em 7 ngut.
Hadooh ynne ka sngi u khñiang COVID-19 da poor u cha 274 tylli ki District hapoh ka ri.
Na ki jylla wa da yoh ya u khñiang COVID-19 kiwa duna dooh toh ka Arunachal Pradesh waka Mizoram kiwa em mar uwi, ka Manipur 2 ngut, Jharkhand 3 ngut, Puducherry 5 ngut, Himachal Pradesh 6 ngut, ka Goa 7 ngut, ka Chattisgarh 9 ngut, ka Andaman & Nicobar Islands 10 ngut waka Ladakh 14 ngut kiwa em hapoh 15 ngut kiwa da yoh ya uni u khñiang.
Lada kheiñlang waroh nadooh kiwa dang em ya uni u khñiang, kiwa da yap wa kiwa da chait da poi 3577 ngut.
Discussion about this post