Ka Ministry of Health & Family Welfare ka ri India deilang waka ICMR da pyntip ki wa ha kini ki 24 kynta kiwa chah ktah ha u COVID-19 da em ki 10,667 ngut.
Na kini ki 10,667 ngut, da em 10,215 ngut kiwa da chait iwa boon dooh haka chi sngi katwa kiwa dang em ya uni u khñiang da ku ki du 72 ngut donhi. Kiwa yap da em ki 380 ngut.
Da em leh 14 tylli ki jylla ha kini ki 24 kynta wa da hiar kiwa dang em (Active Case) ya u COVID-19 lada nujor wa ynnin ka sngi heiwa ka jylla wa boon dooh wa hiar ki Active Case toh ha Maharashtra kawa hiar da 2,463 ngut iwa hiar naka 53,030 ngut cha ka 50,567.
Ha waroh kawi ka ri, kiwa chait da em ki 1,80,013 ngut iwa da man 52.5%. Ki Active Case won da em ki 1,53,178 ngut iwa man 44.6%. Kiwa yap da em ki 9,900 ngut iwa man 2.9%.
Kiwa chait leh da tam ki ya kiwa dang em ya uni u khñiang da 26,835 ngut.
