Kiwa dang chah ktah ha u COVID-19 ha India da tam ki 35 lak ngut hadien wa em 78,761 ngut kiwa dang chah ktah iwa man leh iwa boon dooh haka chi sngi wei ka sngi wa le wa da tam bait 70 hajar ngut chi sngi kiwa chah ktah katkam ka yukheiñ ka Ministry of Health & Family Welfare.
Kiwa dang chait da em ki 64,935 ngut iwa da pynpoi leh ya kiwa chait da ka 27 lak ngut, kiwa yap da em sa 948 ngut katwa kiwa dang em ya uni u khñiang da ku da 12,878 ngut.
Ki jylla wa boon dooh wa ku kiwa dang em ya uni u khñiang toh ha Maharashtra 11,541 ngut, Andhra Pradesh 8976 ngut, Karnataka 8110 ngut, Tamil Nadu 6045 ngut, Uttar Pradesh 4862 ngut wa ha West Bengal 3312 ngut.
Ki jylla won wa boon dooh wa ku kiwa dang em ya uni u khñiang toh ha Maharashtra 4417 ngut, Andhra Pradesh 1490 ngut, Telangana 1276 ngut katwa ha ki 10 tylli ki jylla da hiar kiwa dang em ya uni u khñiang iwa boon dooh ha Bihar da 377 ngut wa ha West Bengal 353 ngut.
Kiwa chait hapoh ka ri da em ki 76.61% iwa ku naka 76.47% kiwa em waroh 27,13,933 ngut, kiwa dang em ya uni u khñiang da em ki 21.60% iwa hiar naka 21.72% kiwa em 7,65,302 ngut wa 1.79% kiwa yap kiwa em 63,948 ngut. Waroh da poi 35,42,733 ngut kiwa da yoh COVID-19 hapoh ka ri.
Kiwa chait da tam ki da 19,48,631 ngut ya kiwa dang em ya uni u khñiang iwa ku da 52,057 ngut nadooh ynnin ka sngi.
