Ka Ministry of Health & Family Welfare ka sorkar India da pyntip ko wa ha kini ki 24 kynta itæ hadooh 8 waje i step ka 17 tarik, kiwa dang chah ktah ha u COVID-19 da em ki 10,974 ngut.
Na kini ki 10,974 ngut, 6,922 ngut toh kiwa dang chait katwa kiwa dang yoh da em ki 2,049 ngut. Kiwa yap da em ki 2,003 ngut iwa boon dooh haka chi sngi.
Da em leh 12 tylli ki jylla kiwa hiar kiwa dang em ya u COVID-19 heiwa kawa hiar dooh toh ka jylla Maharashtra kawa da duna da 510 nadooh ynnin. Ka Maharashtra kattæ da boon kiwa chait kiwa em 57,851 ngut bar ya kiwa dang em ya uni u khñiang kiwa em 50,057 ngut.
Nadooh ynnin ki jylla wa ku kiwa dang em ya u COVID-19 palat 500 ngut toh du ka Delhi kawa da ku da 1,349 ngut.
Kamwa man kattæ ka Meghalaya waka Andaman & Nicobar Island toh kiwa duna dooh kiwa yoh COVID-19 hapoh ka ri kiwa em mar 44 ngut heiwa ha Meghalaya da chait 28 ngut katwa ha Andaman da chait 33 ngut.
Hapoh ka ri waroh kiwa da chait da em ki 1,86,935 ngut iwa man 52.8% iwa da ku nadooh ynnin ka sngi katwa kiwa dang em ya u COVID-19 da em ki 1,55,227 ngut iwa da boon kiwa da chait da 31,708 ngut. Kiwa yap waroh da em ki 11,903 ngut. Waroh kiwa chah ktah ha u COVID-19 da em ki 3,54,065 ngut.
