Ka Ministry of Health & Family Welfare ka ri deilang waka ICMR da pyntip ki wa ha kini ki 24 kynta itæ hadooh 8 waje i step ka 19 tarik, kiwa chah ktah ha u COVID-19 da em ki 13,586 ngut.
Na kini ki 13,586 ngut, kiwa chait da em ki 10,386 ngut iwa man kiwa boon dooh kiwa chait haka chi sngi, katwa kiwa dang em ya u COVID-19 da ku ki da 2,864 ngut. Kiwa yap da ku ki da 336 ngut.
Da em leh 11 tylli ki jylla wa da hiar kiwa dang em ya u COVID-19 heiwa kiwa boon dooh toh ha Delhi wa hiar da 1,072 ngut nadooh ynnin ka sngi.
Da em leh du ar tylli ki jylla wa ku da palat 500 sngi kiwa dang em ya u COVID-19, kitæ ka Maharashtra (1980 ngut) waka Tamil Nadu (1075) ngut.
Hapoh ka ri, waroh kiwa chait da em ki 2,04,711 ngut iwa da ku cha ka 53.79%. Kiwa dang em ya uni u khñiang da em ki 1,63,248 ngut wa 12,573 ngut kiwa yap. Waroh kini da em 3,80,532 kiwa da chah ktah ha u COVID-19.
Kiwa chait da boon ki ya kiwa dang em ya u COVID-19 da 41,463 ngut.
Naki le tylli ki jylla wa chah ktah dooh, ha Maharashtra wa ha Tamil Nadu da boon kiwa da chait bar ya kiwa dang em ya uni khñiang heiwa ha Maharashtra da em 60,838 ngut kiwa da chait wa 53,915 kiwa dang chah ktah, ha Tamil Nadu won da em 28,641 ngut kiwa da chait wa 23,068 ngut kiwa dang em ya u COVID-19.
