Kiwa dang chah ktah ha u COVID-19 ha India da pteiñ ki wow hiar cha ka 5.86 lak ngut deiwa boon da kiwa chait ya kiwa dang yoh la 45 sngi khlem sangeh heiwa kiwa dang yoh leh da neh ki hapoh 1 lak ngut la 20 sngi.
Kiwa dang yoh ha kini ki 24 kynta da em ki 50,040 ngut, kiwa dang chait da em ki 57,944 ngut, kiwa dang yap 1,258 ngut iwa mut wa kiwa dang em ya uni u khñiang da hiar ki da 9,162 ngut.
Ki jylla wa boon da kiwa dang yoh da em ki 6 tylli wa kynthup ya ka Arunachal Pradesh wa boon da kiwa dang yoh 23 ngut, Kerala 876 ngut, Maharashtra 549 ngut, Manipur 12 ngut, Meghalaya 3 ngut wa ha Tripura 22 ngut.
Ynnin ka sngi da leh 17,77,309 tylli ki Test heiwa kiwa chah ktah da em ki 2.82% iwa tip leh kam ka Positivity Rate iwa da neh hapoh 5% la 20 sngi kattu.
Heiyatoh wa i e tika hapoh ka ri, da dep wow e palap 32 klur sien (32,17,60,077) heiwa ynnin ka sngi da e 64,25,893 sien.
Waroh kiwa da chait da em ki 96.75% kiwa em 2,92,51,029 ngut, kiwa dang chah ktah da em ki 1.94% kiwa em 5,86,403 ngut, kiwa dang chah ktah da em ki 1.31% kiwa em 3,95,751 ngut, deilang dapoi 3,02,33,183 ngut kiwa da dep yoh ya uni u khñiang hapoh ka ri.
