Kiwa dang yoh COVID-19 ha India dang pteiñ ki wow hiar la 5 tayaw heiwa ha kini ki 24 kynta da em ki 43,893 ngut, kiwa chait da em ki 58,439 ngut, kiwa yap 508 ngut iwa mut wa kiwa dang em ya uni u khñiang da duna ki da 15,054 ngut katkam ka yukheiñ ka Ministry of Health & Family Welfare.
Ha ka 23 tarik hadooh 29 tarik u Naikhynde deiwa kheiñ yong lang, kiwa yoh COVID-19 da em ki 83,232 ngut man ka sngi katwa ha kani ka tayaw kawa nadooh ka 21 tarik hadooh ka 27 tarik da hiar cha ka 49,909 ngut chi sngi.
Nalor ini, kiwa chait leh da boon ki ya kiwa dang chait nadooh ka 4 tarik uni u bnai khlem sangeh heiwa ha kini ki 24 kynta kiwa boon dooh kiwa dang chait toh ha Maharashtra 7,836 ngut, Karnataka 7,740 ngut, Kerala 7,015 ngut, Andhra Pradesh 4,352 ngut, Tamil Nadu 4,029 ngut, West Bengal 3,917 ngut, Delhi 2,722 ngut, Assam 2,443 ngut, Chattisgarh 2,426 ngut wa ha Uttar Pradesh 2,326 ngut.
Kiwa dang yoh kiwa boon dooh toh ha Kerala 5,457 ngut, Maharashtra 5,363 ngut, Delhi 4,853 ngut, West Bengal 3,957 ngut, Karnataka 3,691 ngut, Andhra Pradesh 2,901 ngut, Tamil Nadu 2,522 ngut, Chhattisgarh 2,046 ngut, Uttar Pradesh 2,046 ngut, Uttar Pradesh 1,977 ngut wa ha Rajasthan 1,706 ngut.
Waroh kiwa chait ha India da em ki 90.85% iwa ku naka 90.62% kiwa em 72,59,509 ngut; kiwa dang em ya uni u khñiang da em ki 7.64% kiwa hiar naka 7.88% kiwa em 6,10,803 ngut wa 1.50% kiwa yap kiwa em 1,20,010 ngut. Waroh kiwa da dep yoh da em ki 79,90,322 ngut.
Kiwa chait da tam ki da 66,48,706 ngut ya kiwa dang em ya uni u khñiang iwa ku da 73,493 ngut nadooh ynnin ka sngi.
