Kiwa dang yoh COVID-19 ha India da neh ki hapoh 50,000 ngut la san sngi, kiwa dang chait da boon ki ya kiwa dang yoh la 50 sngi iwa da pynhiar ya kiwa dang chah ktah wow em ki 5.09 lak ngut katwa kiwa yap da tam ki 4 lak ngut.
Kiwa dang yoh ha kini ki 24 kynta da em ki 46,617 ngut, kiwa dang chait 59,384 ngut, kiwa dang yap 853 ngut iwa mut wa kiwa dang em ya uni u khñiang da hiar ki da 13,620 ngut.
Ha kini ki 24 kynta da em leh 8 tylli ki jylla wa boon da kiwa dang yoh ya kiwa chait wa kynthup ya ka Andaman & Nicobar Islands wa boon da kiwa dang yoh 2 ngut, Arunachal Pradesh (21), Goa (04), Himachal Pradesh (14), Kerala (1180), Maharashtra (309), Meghalaya (321) wa ha Sikkim (84).
Ki jylla wa boon dooh kiwa dang chah ktah toh ka Maharashtra (1,19,867), Kerala (1,02,523), Karnataka (65,335), Andhra Pradesh (38,178), Tamil Nadu (37,526), Odisha (27,827), Assam (25,737) wa ha West Bengal (20,170).
Ynnin ka sngi da leh 18,80,026 tylli ki Test heiwa kiwa chah ktah da em ki 2.48% kawa tip leh kam ka Positivity Rate kawa da neh hapoh 5% la 25 sngi.
Heiyatoh wa i e tika hapoh ka ri, da dep wow e la 34,00,76,232 sien heiwa ynnin ka sngi da e 42,64,123 sien.
Waroh kiwa da chait da em ki 97.01% kiwa em 2,95,48,302 ngut, kiwa dang chah ktah da em ki 1.67% kiwa em 5,09,637 ngut, kiwa yap 1.31% kiwa em 4,00,312 ngut, deilang dapoi 3,04,58,251 ngut kiwa da dep yoh ya uni u khñiang hapoh ka ri.
