Kiwa dang chah ktah ha u COVID-19 ha India ha kini ki 24 kynta hadooh i step ka 18 tarik da em ki 96,424 ngut iwa da pynpoi ya kiwa da dep yoh ya uni u khñiang cha ka 52 lak ngut katkam ka yukheiñ ka Ministry of Health & Family Welfare.
Kiwa dang chait da em ki 87,472 ngut iwa man leh iwa boon dooh haka chi sngi iwa da pynpoi leh yaki cha ka 41 lak ngut, kiwa yap da em sa 1,174 ngut katwa kiwa dang em ya uni u khñiang da ku ki da 7,778 ngut.
Ki jylla wa boon dooh kiwa dang chait toh ha Maharashtra 19522 ngut, Andhra Pradesh 10712 ngut, Karnataka 7268 ngut, Chhattisgarh 5226 ngut, Tamil Nadu 5524 ngut, Uttar Pradesh 4715 ngut wa ha Odisha 3607 ngut.
Da em leh 15 tylli ki jylla wa hiar kiwa dang em ya uni u khñiang kiwa boon dooh ha Andhra Pradesh 2082 ngut, Chhattisgarh 1434 ngut, Assam 883 ngut wa ha Madhya Pradesh 505 ngut.
Waroh kiwa da chait hapoh ka ri da em ki 78.86% ngut iwa ku naka 78.64% kiwa em 41,12,551 ngut; kiwa dang em ya uni u khñiang da em ki 19.52% iwa hiar naka 19.73% kiwa em 10,17,754 ngut, katwa kiwa yap da em ki 1.62% kiwa em waroh 84,372 ngut. Waroh da poi 52,14,677 ngut kiwa da dep yoh COVID-19.
Kiwa chait da tam ki da 30,94,797 ngut ya kiwa dang em ya uni u khñiang iwa ku da 79,694 ngut nadooh ynnin ka sngi.
