Kiwa da chait na u COVID-19 ha India da poi ki 53 lak ngut deiwa em 78,877 ngut kiwa dang chait, heiwa kiwa dang yap da em ki sa 1,095 ngut, kiwa dang em ya uni u khñiang da ku ki da 1,512 ngut iwa pynpoi ya kiwa dang chah ktah ha kini ki 24 kynta cha ka 81,484 ngut katkam ka yukheiñ ka Ministry of Health & Family Welfare.
Kiwa boon dooh kiwa dang chait toh ha Maharashtra kiwa em 16,104 ngut, ha Andhra Pradesh 7,297 ngut, Karnataka 7,144 ngut, Tamil Nadu 5,516 ngut, Uttar Pradesh 4,444 ngut, Odisha 4,380 ngut wa ha Delhi 3,167 ngut.
Da em leh 21 tylli ki jylla kiwa da boon kiwa chait bar ya kiwa dang yoh ha kini ki 24 kynta kiwa boon dooh ha Punjab 1051 ngut, Haryana 868 ngut, Odisha 782 ngut, Jammu & Kashmir 604 ngut, Andhra Pradesh 587 ngut, Uttarakhand 567 ngut wa ha Uttar Pradesh 505 ngut.
Waroh kiwa da chait da em ki 83.70% iwa ku naka 83.53% kiwa em 53,52,078 ngut; kiwa dang em ya uni u khñiang da em ki 14.74% iwa hiar naka 14.90% kiwa em 9,42,217 ngut wa 1.56% kiwa yap kiwa em 99,773 ngut. Waroh da em 63,94,068 ngut kiwa da dep yoh ya uni u khñiang.
Kiwa chait da tam ki da 44,09,861 ngut ya kiwa dang em ya uni u khñiang iwa ku da 77,365 ngut nadooh ynnin ka sngi.
