Nadooh wa chem nyngkong ya kiwa yoh ya u jait thymme wa da mih na u COVID-19 uwa tip kam u Omicron ha ka tayaw wa khaddooh u Khonchonglad (Nov) ha India, hadooh ynne ka sngi wa da dap chi bnai da em ki 578 ngut kiwa da yoh wa 151 ngut kiwa chait ha ki 19 tylli ki jylla.
Kiwa boon dooh kiwa da dep yoh Omicron toh ha Delhi (142), Maharashtra (141) wa ha Kerala (57) katwa ha kiwi ki jylla da em hapoh 50 ngut.
Waroh won kiwa yoh COVID-19 ha India ha kini ki 24 kynta da em ki 6,431 ngut, kiwa chait 7,141 ngut 315 ngut kiwa yap iwa mut wa kiwa dang chah ktah da hiar ki da 925 ngut.
Kiwa dang chah ktah da em ki waroh 75,841ngut iwa man 0.22%, kiwa da chait da em ki 3,42,37,495 kiwa em 98.40% wa 315 ngut kiwa yap kiwa em 4,79,997 iwa mut 1.38%.
Ynnin ka sngi da leh 7,52,935 tylli ki Test heiwa kiwa chah ktah da em ki 0.87% kawa tip leh kam ka Positivity Rate kawa da neh hapoh 2% la 84 sngi.
Heiyatoh wa i e tika, da dep wow e la 1,41,70,25,654 sien heiwa ynnin ka sngi da e 29,93,283 sien.
