Hadien 6 sngi wa da boon bait da kiwa chait bar ya kiwa dang yoh ya u COVID-19, ha kini ki 24 kynta itæ hadooh i step ka 25 tarik da boon biang da kiwa dang yoh heiwa kiwa dang chah ktah da em ki 86,052 ngut, kiwa dang chait da em ki 81,177 ngut iwa da pynku ya kiwa dang em ya uni u khñiang da 3,734 ngut wei da em leh sa 1,141 ngut kiwa dang yap katkam ka yukheiñ ka Ministry of Health & Family Welfare.
Na kiwa dang chait, kiwa boon dooh toh ha Maharashtra 17,184 ngut, Andhra Pradesh 8807 ngut, Karnataka 6784 ngut, Tamil Nadu 5470 ngut, Uttar Pradesh 4922 ngut, Odisha 3779 ngut wa ha Kerala 3168 ngut.
Da em leh 14 tylli ki jylla wa hiar kiwa dang em ya uni u khñiang heiwa kiwa boon dooh toh ha Andhra Pradesh 1004 ngut, ha Punjab 551 ngut wa ha Jammu & Kashmir 467 ngut.
Waroh kiwa da chait da em ki 81.74% iwa ku naka 81.25% kiwa em 47,56,164 ngut; kiwa dang em ya uni u khñiang da em ki 16.67% iwa hiar naka 16.86% kiwa em 9,70,116 ngut wa 1.59% kiwa yap kiwa em 92,290 ngut. Waroh da em 58,18,570 ngut kiwa da dep yoh COVID-19.
Kiwa chait da tam ki da 37,86,048 ngut ya kiwa dang em ya uni u khñiang iwa ku da 77,443 ngut nadooh ynnin ka sngi.
