Kiwa chah ktah ha u COVID-19 ha India hapoh kini ki 24 kynta itæ hadooh 8 waje i step ka 4 tarik da em ki 22,771 ngut katkam wa kheiñ ka MoHFW waka ICMR.
Na kini ki 22,771 ngut, kiwa chait da em ki 14,335 ngut, kiwa dang em ya uni u khñiang da ku ki da 7,994 ngut katwa kiwa yap da em sa 442 ngut.
Hadien ka jylla Maharashtra, ka Tamil Nadu da man ko kawa ar kawa da tam chi lak kiwa da yoh COVID-19 kiwa da em waroh 1,02,721 ngut heiwa kiwa chait da em ki 58,378 ngut, kiwa dang em ya uni u khñiang da em ki 42,958 ngut wa 1,385 ngut kiwa yap.
Kiwa chait hapoh ka ri da ku cha 60.81% kiwa em 3,94,227 ngut, kiwa dang em ya uni u khñiang da em ki 36.31% kiwa em 2,35,433 ngut wa 2.88% kiwa yap kiwa em 18,655 ngut. Waroh da em 6,48,315 ngut iwa ym slem de da tam ka India yaka Russia yow man kam ka ri wa 3 wa chah ktah dooh hapoh pyrthai.
Kiwa chait da tam ki da 1,58,794 ngut ya kiwa dang em ya uni u khñiang iwa ku da 6,341 ngut nadooh ynnin.
