Ka Ministry of Health and Family Welfare ka sorkar India da pyntip ko wa hadooh 8 waje i step ynne ka 11 tarik kiwa chah ktah ha u COVID-19 da ku ki da 4,213 ngut ha kini ki 24 kynta.
Na kini ki 4,213 ngut, kiwa dang yoh thymme ya u COVID-19 da em ki 2,557 ngut, kiwa da chait da em ki 1,559 ngut wa 97 ngut kiwa yap.
Kiwa chait waroh da em ki 20,917 ngut iwa mut da poi 31.1% iwa da ku bha ha kini ki sngi.
Kiwa yap waroh da em ki 2,206 ngut heiwa 70% na ki toh kiwa da em chitom wa joor chwa wow yoh ki ya u COVID-19.
Ki jylla wa da em palat 1000 ngut kiwa da chah ktah ha u COVID-19 da em ki 11 tylli kitæ ka Maharashtra, Gujarat, Tamil Nadu, Delhi, Rajasthan, Madhya Pradesh, Uttar Pradesh, Andhra Pradeshm West Bengal, Punjab wa Telangana.
Kamwa man kattæ waroh hapoh ka ri kiwa chah ktah da em ki 67,152 ngut wei na kini 22,171 ngut toh kiwa em hapoh Maharashtra iwa man 33% na waroh.
Ha waroh kawi ka ri kiwa dang em (Active Case) ya u COVID-19 toh 44,029 ngut, 20,917 ngut kiwa chait wa 2,206 ngut kiwa yap iwa waroh da poi 67,152 ngut.
Discussion about this post