Kiwa dang em ya u COVID-19 ha India da hiar ki hapoh 9 lak hadien wa da hiar ki hapoh 10 lak ngut nadooh ka 22 tarik u Naikhynde deiwa boon biang kiwa dang chait bar ya kiwa dang yoh ha kini ki 24 kynta katkam ka yukheiñ ka Ministry of Health & Family Welfare.
Kiwa dang chait ha kini ki 24 kynta da em ki 78,365 ngut, kiwa dang yoh da em ki 70,496 ngut wa 964 ngut kiwa dang yap iwa mut wa kiwa dang em ya uni u khñiang da hiar ki da 8,833 ngut.
Kiwa boon dooh kiwa dang chait toh ha Maharashtra 15,575 ngut, Karnataka 9,613 ngut, Kerala 7,003 ngut, Andhra Pradesh 6,102 ngut, Tamil Nadu 5,718 ngut, Uttar Pradesh 3,690 ngut wa ha Odisha 3,312 ngut.
Da em leh 24 tylli ki jylla wa boon da kiwa chait ya kiwa dang yoh ha kini ki 24 kynta kiwa boon dooh ha Maharashtra 2538 ngut, Kerala 1582 ngut, Assam 1019 ngut, Andhra Pradesh 852 ngut, Punjab 788 ngut, Madhya Pradesh 734 ngut, Tamil Nadu 698 ngut, Jammu & Kashmir 649 ngut wa ha Uttar Pradesh 602 ngut.
Waroh kiwa chait hapoh ka ri da em ki 85.52% iwa ku naka 85.25% kiwa em 59,06,069 ngut; kiwa dang em ya uni u khñiang da em ki 12.94% iwa hiar naka 13.20% kiwa em 8,93,592 ngut wa 1.54% kiwa yap wa em 1,06,490 ngut. Waroh da em 69,06,151 ngut kiwa da dep yoh ya uni u khñiang.
Kiwa chait da tam ki da 50,12,477 ngut ya kiwa dang em ya uni u khñiang iwa ku da 87,198 ngut nadooh ynnin ka sngi.
