Kiwa dang yoh COVID-19 ha India ha kini ki 24 kynta hadooh ynne i step ka 7 tarik da em ki 50,356 ngut, kiwa dang chait da em ki 53,920 ngut, kiwa dang yap 577 ngut iwa mut wa kiwa dang em ya uni u khñiang da hiar ki da 4,141 ngut katkam ka yukheiñ ka Ministry of Health & Family Welfare.
Kiwa boon dooh kiwa dang chait toh ha Maharashtra 11,060 ngut, Kerala 7,854 ngut, Delhi 6121 ngut, West Bengal 4,283 ngut, Karnataka 2,701 ngut, Andhra Pradesh 2,452 ngut, Tamil Nadu 2,402 ngut wa ha Uttar Pradesh 2,167 ngut.
Ha kini ki 24 kynta da em leh 22 tylli ki jylla wa boon da kiwa chait bar ya kiwa dang yoh kiwa boon wa tam ha Maharashtra 4,351 ngut, Kerala 879 ngut, Assam 595 ngut wa ha West Bengal 396 ngut.
Waroh kiwa da chait hapoh ka ri da em ki 92.41% kiwa ku naka 92.32% kiwa em 78,19,886 ngut; kiwa dang em ya uni u khñiang da em ki 6.11% kiwa hiar naka 6.19% kiwa em 5,16,632 ngut; wa 1.48% kiwa yap kiwa em 1,25,562 ngut, deilang da poi 84,62,080 ngut kiwa da dep yoh ya uni u khñiang.
Kiwa chait da tam ki da 73,03,254 ngut ya kiwa dang em ya uni u khñiang iwa ku da 58,061 ngut nadooh ynnin ka sngi.
