La 9 sngi khlem sangeh kiwa chait da boon ki ya kiwa yoh COVID-19 ha India wei kiwa dang yoh da em ki hapoh 3 lak ngut la 6 sngi wei da ye wow leh 20,66,285 tylli ki Test ha kini ki 24 kynta iwa boon dooh wa da ye wow leh ha ka chi sngi heiwa kiwa yoh ya uni u khñiang na kiwa chah Test da em ki 12.45% iwa hiar naka 12.59% ynnin ka sngi.
Kiwa dang yoh ya uni u khñiang ha kini ki 24 kynta da em ki 2,57,299 ngut, kiwa dang chait da em ki 3,57,630 ngut kiwa dang yap 4,194 ngut iwa mut wa kiwa dang em ya uni u khñiang da hiar ki da 1,04,525 ngut.
78% na kiwa dang yoh toh kiwa em ha ki 10 tylli ki jylla kiwa boon dooh ha Tamil Nadu 36,184 ngut, Karnataka 32,218 ngut, Kerala 29,673 ngut, Maharashtra 29,644 ngut, Andhra Pradesh 20,947 ngut, West Bengal 19,847 ngut, Odisha 12,523 ngut, Uttar Pradesh 7,682 ngut, Rajasthan 6,225 ngut wa ha Assam 6,066 ngut.
73% na kiwa dang chait da em ki ha ki 10 tylli ki jylla kiwa boon dooh ha Karnataka 52,581 ngut, Maharashtra 44,493 ngut, Kerala 41,032 ngut, Tamil Nadu 24,478 ngut, Andhra Pradesh 20,811 ngut, West Bengal 19,017 ngut, Rajasthan 18,264 ngut, Uttar Pradesh 17,668 ngut, Haryana 13,486 ngut wa ha Odisha 10,881 ngut.
70% na kiwa dang em ya uni u khñiang da em ki ha ki 8 tylli ki jylla kiwa boon dooh ha Karnataka 5,14,259 ngut, Maharashtra 3,69,673 ngut, Kerala 3,06,719 ngut, Tamil Nadu 2,74,629 ngut, Andhra Pradesh 2,09,156 ngut, West Bengal 1,32,181 ngut, Rajasthan 1,31,806 ngut wa ha Uttar Pradesh 1,06,276 ngut.
Waroh kiwa da chait da em ki 87.76% kiwa em 2,30,70,365 ngut, kiwa dang em ya uni u khñiang 11.12% kiwa em 29,23,400 ngut, kiwa yap 1.12% kiwa em 2,95,525 ngut, deilang dapoi 2,62,89,290 ngut kiwa da dep yoh ya uni u khñiang hapoh ka ri.
Heiyatoh wa i e dawai tika COVID-19 hapoh ka ri, da dep wow e la 19,33,72,819 sien.
