Ka India da poi ko sa cha uwi u moomer wa heh ha ka yaleh pyrchah ya u COVID-19 heiwa kiwa chait da poi ki 90.00% deiwa pteiñ biang wow boon kiwa chait ya kiwa dang yoh heiwa ha kini ki 24 kynta kiwa chait da em ki 62,077 ngut, kiwa dang yoh da em ki 50,129 ngut, kiwa dang yap 578 ngut iwa mut wa kiwa dang em ya uni u khñiang da hiar ki da 12,526 ngut katkam ka yukheiñ ka Ministry of Health & Family Welfare.
Kiwa dang chait kiwa boon toh ha Maharastra 10,004 ngut, Karnataka 7,153 ngut, Kerala 6,468 ngut, 4,024 ngut, West Bengal 3,753 ngut, Delhi 3,614 ngut, Andhra Pradesh 3,572 ngut, Assam 2,948 ngut, Uttar Pradesh 2,741 ngut wa ha Chattisgarh 2,677 ngut.
Na kiwa dang yoh thymme kiwa boon dooh toh ha Kerala 8,253 ngut, Maharashtra 6,417 ngut, Karnataka 4,471 ngut, West Bengal 4,148 ngut, Delhi 4,116 ngut, Andhra Pradesh 3,342 ngut, Tamil Nadu 2,886, Uttar Pradesh 2,178 ngut, Chhattisgarh 2,011 ngut wa ha Rajasthan 1,852 ngut.
Waroh kiwa da chait hapoh ka ri da em ki 90.00% iwa ku naka 89.78% kiwa em 70,78,123 ngut; kiwa dang em ya uni u khñiang da em ki 8.50% kiwa hiar naka 8.71% kiwa em 6,68,154 ngut wa 1.51% kiwa yap kiwa em 1,18,534 ngut. Waroh kiwa da dep yoh da poi 78,64,811 ngut.
Kiwa chait da tam ki da 64,09,969 ngut ya kiwa dang em ya uni u khñiang iwa ku da 74,603 ngut nadooh ynnin ka sngi.
