Ka Ministry of Health & Family Affair ka sorkar India deilang waki laad pathai khubor ka sorkar India da pyntip ki wa ha kini ki 24 kynta hadooh 8 waje i step ynne ka 17 tarik, kiwa chah ktah ha u COVID-19 hapoh ka ri da em ki 4,987 ngut.
Na kini ki 4,987 ngut kiwa boon toh kiwa chait kiwa da em hadooh 3,956 ngut iwa boon dooh kiwa chait haka chi sngi katwa kiwa dang yoh da em ki 911 ngut. Kiwa yap da em ki 120 ngut ha kini ki 24 kynta.
Na ki jylla, ka Maharashtra toh kawa dang chah ktah dooh kawa da poi 30,706 ngut kiwa chah ktah heiwa na kini da chait 7088 ngut wa 1135 ngut kiwa yap. Ka Gujarat kawa em 10,988 ngut kiwa da chah ktah waka Tamil Nadu kawa em 10,585 kiwa chah ktah da man ki leh ki jylla wa da poi 10 hajar ngut katwa ka Delhi da em ko hadien deiwa em 9333 ngut kiwa chah ktah.
Ka jylla Goa kawa neh chi slem khlem em wa yoh COVID-19 heiwa ki 7 ngut kiwa da yoh da chait ki, da em 10 ngut kiwa dang yoh. Kamjooh ka Manipur kawa da yoh sa 5 ngut du hapoh 4 sngi.
Ka Arunachal Pradesh waka Mizoram kiwa em mar uwi wa yoh, dang man hi ki kiwa da lait na u COVID-19 hadien wa da chait kiwa yoh oo kamjooh leh ka Andaman & Nicobar Island kawa da chait waroh ki 33 ngut kiwa yoh.
Ka jylla kawa ym pu em wa yoh ya u COVID-19 toh ka Sikkim waka Lakshadweep (UT).
Lada kheiñlang waroh nadooh kiwa dang em ya uni u khñiang (Active Case) kiwa em 53,946 ngut, kiwa chait 34,109 ngut wa 2,872 ngut kiwa yap da poi waroh 90,927 ngut.
Discussion about this post