La 10 sngi kiwa dang yoh COVID-19 ha India da em ki hapoh 40,000 ngut heiwa ha kini ki 24 kynta kiwa dang yoh da em ki 32,080 ngut, kiwa dang chait da em ki 36,635 ngut, kiwa dang yap da em ki 402 ngut iwa mut wa kiwa dang em ya uni u khñiang da duna ki da 4,957 ngut.
Waroh ki Test wa da dep wow leh hapoh ka ri da jan poi ki 15 klur tylli kiwa da em 14,98,36,767 tylli wei ka thong toh wow leh palat 10 lak tylli ki Test man-ka-sngi heiwa ha kini ki 24 kynta da leh 10,22,712 tylli ki Test wei na kini kiwa yoh ya uni u khñiang namo ka Positivity Rate da em ki 6.50% nadooh wa sdang katwa ynnin ka sngi da man ko 3.14% kiwa yoh na kiwa da dep Test.
76% na kiwa dang chait toh kiwa em ha ki 10 tylli ki jylla kiwa boon dooh ha Maharashtra 6,365 ngut, Kerala 4,735 ngut, Delhi 3,307 ngut, West Bengal 2,971 ngut, Rajasthan 2,380 ngut, Uttar Pradesh 2,111 ngut, Haryana 1,557 ngut, Gujarat 1,531 ngut, Chhattisgarh 1,525 ngut wa ha Madhya Pradesh 1,497 ngut.
75% kiwa dang yoh thymme da em ki ha ki 10 tylli ki jylla kiwa boon dooh ha Kerala 5,032 ngut, Maharashtra 4,026 ngut, West Bengal 2,941 ngut, Uttar Pradesh 1,776 ngut, Rajasthan 1,604 ngut, Chhattisgarh 1,467 ngut, Madhya Pradesh 1,345 ngut wa ha Gujarat 1,325 ngut.
Waroh kiwa chait da em ki 94.66% iwa ku naka 94.59% kiwa em 92,15,581 ngut; kiwa dang em ya uni u khñiang da em ki 3.89% iwa hiar naka 3.96% kiwa em 3,78,909 ngut; wa 1.45% kiwa yap kiwa em 1,41,360 ngut, deilang waroh da poi 97,35,859 ngut kiwa da dep yoh COVID-19 ha India.
Kiwa chait da tam ki da 88,36,672 ngut ya kiwa dang em ya uni u khñiang iwa ku da 41,592 ngut nadooh ynnin ka sngi.
