Kiwa dang yoh ya u COVID-19 ha India ha kini ki 24 kynta da boon biang ki ya kiwa dang chait heiwa da em ki 44,376 ngut, kiwa dang chait da em ki 37,816 ngut, kiwa dang yap 481 ngut iwa mut wa kiwa dang em ya uni u khñiang da ku ki da 6,079 ngut.
Tangwa deiwa kheiñ won ya kiwa yoh ya uni u khñiang na ki 11,59,032 ki Test wa da dep leh ynnin ka sngi da em ki 3.83% heiwa deiwa kheiñlang won waroh ki Test kiwa da dep leh kiwa da jan em 13.5 klur tylli, kiwa yoh ya uni u khñiang da em ki 6.84% kawi tip leh kam ka Positivity Rate kawa da pynemkaam wow kheiñ hadooh katwon poor uni u khñiang.
Kiwa boon dooh kiwa dang yoh ha kini ki 24 kynta toh ha Delhi 6,224 ngut, Maharashtra 5,439 ngut, Kerala 5,420 ngut, West Bengal 3,545 ngut, Rajasthan 3,314 ngut, Haryana 2,329 ngut, Uttar Pradesh 2,217 ngut, Karnataka 1,870 ngut, Chhattisgarh 1,829 ngut wa ha Madhya Pradesh 1,766 ngut wei kini ki 10 tylli ki jylla da em ki 77% na kiwa dang yoh thymme ya uni u khñiang.
Kiwa boon dooh kiwa dang chait toh ha Kerala 5,149 ngut, Delhi 4,943 ngut, Maharashtra 4,086 ngut, West Bengal 3,646 ngut, Rajasthan 2,214 ngut, Uttar Pradesh 2,032 ngut, Karnataka 1,949 ngut, Haryana 1,943 ngut, Tamil Nadu 1,910 ngut wa ha Andhra Pradesh 1,447 ngut, ha kini ki 10 tylli ki jylla da em leh 78% kiwa dang chait hapoh ka ri.
Kiwa da chait da em ki waroh 93.72% iwa hiar naka 93.76% kiwa em 86,42,771 ngut, kiwa dang em ya uni u khñiang da em ki 4.82% iwa ku naka 4.78% kiwa em 4,44,746 ngut wa 1.46% kiwa yap kiwa em 1,34,699 ngut, waroh deilang da em 92,22,216 ngut kiwa da dep yoh ya uni u khñiang hapoh ka ri.
Kiwa chait da tam ki da 81,98,025 ngut ya kiwa dang em ya uni u khñiang iwa ku da 31,737 ngut nadooh ynnin ka sngi.
