Ha kini ki 24 kynta itæ hadooh 8 waje i step ka 15 tarik, kiwa chah ktah ha u COVID-19 ha India da tam biang ko ya waroh kiwi ki sngi heiwa da em 29,429 ngut katkam wa kheiñ daka Ministry of Health and Family Welfare waka ICMR.
Kiwa chait da em ki 20,572 ngut, kiwa yap da em sa 582 ngut katwa kiwa dang em ya uni u khñiang da ku ki da 8,275 ngut.
Ka Delhi da hiar biang kiwa dang em ya uni u khñiang sa 353 ngut iwa man ka sngi wa 8 wa hiar ma hiar ki. Heiwa kiwa chait namo ka Recovery Rate da poi ko 80.83% iwa man wa ar wa heh dooh hapoh ka ri hadien ka Ladakh kawa em 86% deiwa chait 946 ngut katwa ha Delhi da chait 93,236 ngut.
Ki jylla won wa boon dooh kiwa ku kiwa dang em ya u COVID-19 toh ka Maharashtra 2028 ngut, ka Karnataka 1269 ngut, ka Andhra Pradesh 870 ngut, ka Uttar Pradesh 786 ngut, ka Bihar 779 ngut waka West Bengal 648 ngut.
Ha waroh ka ri, kiwa chait da em ki 63.24% iwa ku naka 63.02% kiwa em 592,032 ngut, kiwa dang em ya uni u khñiang da em 34.16% iwa da hiar naka 34.36% kiwa em 319,840 ngut, kiwa yap da em ki 2.60% iwa hiar naka 2.62% kiwa em waroh 24,309 ngut. Waroh kiwa da chah ktah haka ri da em ki 9,36,181 ngut.
Kiwa chait da tam ki da 2,72,192 ngut ya kiwa dang em ya uni u khñiang iwa ku da 12,297 ngut nadooh ynnin.
