Kiwa chait na u COVID-19 ha India da em ki 97.52% iwa heh dooh nadooh u Wisu (Mar) 2020, kiwa dang chah ktah da em ki 3.67 lak ngut iwa duna dooh hadien 148 sngi wei ynne dapoi leh 56 klur sien wa da dep e tika hapoh ka ri.
Kiwa dang yoh da neh ki hapoh 50,000 ngut la 52 sngi khlem sangeh heiwa ha kini ki 24 kynta da em ki 35,178 ngut, kiwa dang chait 37,169 ngut wa 440 ngut kiwa dang yap iwa mut wa kiwa dang em ya uni u khñiang da hiar ki da 2431 ngut.
Ynnin ka sngi ka sngi da em 7 tylli ki jylla wa boon da kiwa dang yoh ya kiwa chait kiwa boon dooh ha Kerala (2930) iwa pynbood sa ka Goa (11).
Ki jylla wa boon dooh kiwa dang chah ktah toh ha Kerala (1,75,695), Maharashtra (64,790), Karnataka (21,507), Tamil Nadu (20,225), Andhra Pradesh (16,341), West Bengal (9,736), Odisha (8661), Assam (8776), wa ha Telangana (6,939).
Ki jylla wa duna dooh wa em kiwa dang chah ktah toh ha Andaman & Nicobar Islands (01), Dadra and Nagar Haveli and Daman and Diu (04), Lakshadweep (34), Chandigarh (42), Ladakh (81), Madhya Pradesh (95), Gujarat (179), Rajasthan (163), Jharkhand (217), Bihar (204), Uttarakhand (330), Uttar Pradesh (420), Delhi (471), Punjab (543), Haryana (660) wa ha Puducherry (892).
Heiyatoh wa i e tika hapoh ka ri, da dep wow e la 56,06,52,030 sien heiwa ynnin ka sngi da e 55,05,075 sien.
Ynnin da leh 17,97,559 tylli ki Test heiwa kiwa chah ktah da em ki 1.96% kawa tip leh kam ka Positivity Rate kawa da neh hapoh 3% la 23 sngi kattu.
Waroh kiwa da chait da em ki 97.52% kiwa em 3,14,85,923 ngut, kiwa dang chah ktah 1.14% kiwa em 3,67,415 ngut, kiwa da yap da em ki 1.34% kiwa em 4,32,519 ngut, deilang dapoi 3,18,53,338 ngut kiwa da dep yoh ya uni u khñiang hapoh ka ri.
