Kiwa dang yoh COVID-19 ha India la ar sngi da em ki palat 40,000 ngut heiwa ynnin da em ki 40,953 ngut katwa ynne ka sngi da em ki 43,846 ngut iwa da pynku leh ya kiwa dang chah ktah wow em ki palat 3 lak ngut.
Kiwa dang chait da em ki 22,956 ngut, kiwa dang yap 197 ngut iwa mut wa kiwa dang em ya uni u khñiang da ku ki da 20,693 ngut.
Ki jylla wa ku kiwa dang yoh COVID-19 ha kini ki sngi wa da dep toh ha Maharashtra, Tamil Nadu, Punjab, Madhya Pradesh, Delhi, Karnataka, Gujarat wa ha Haryana.
Ha kini ki 24 kynta, 83% na kiwa dang yoh da em ki ha ki 6 tylli ki jylla kiwa boon dooh ha Maharashtra 27,126 ngut, Punjab 2,578 ngut, Kerala 2,078 ngut, Karnataka 1,798 ngut, Gujarat 1,565 ngut wa ha Madhya Pradesh 1,308 ngut.
Waroh kiwa da chait da em ki 95.96% kiwa em 11,130,288 ngut, kiwa dang em ya uni u khñiang da em ki 2.66% kiwa em 3,09,087 ngut, kiwa yap 1.38% kiwa em 1,59,755 ngut, deilang dapoi 1,15,99,130 ngut kiwa da dep yoh ya uni u khñiang hapoh ka ri.
Heiyatoh wa i e dawai yada COVID-19 da dep wow e la 4,46,03,841 sien hapoh ka ri.
