Kiwa dang yoh COVID-19 ha India da neh ki hapoh 50,000 la 7 sngi, kiwa dang chait leh da boon ki ya kiwa dang yoh la 52 sngi iwa da pynhiar ya kiwa dang chah ktah wow em ki 4.85 lak ngut katwa kiwa da chait da ku ki cha ka 97.09%.
Kiwa dang yoh ha kini ki 24 kynta da em ki 43,071 ngut, kiwa dang chait da em ki 52,299 ngut, kiwa dang yap da em ki 955 ngut iwa mut wa kiwa dang em ya uni u khñiang da hiar ki da 10,183 ngut.
Ha kini ki 24 kynta da em 6 tylli ki jylla wa boon da kiwa dang yoh ya kiwa chait wa kynthup ya ka Arunachal Pradesh wa boon da kiwa dang yoh da 93 ngut, Chandigarh 2 ngut, Ladakh 3 ngut, Maharashtra 723 ngut, Manipur 156 ngut wa ha Tripura 58 ngut.
Ki jylla wa boon dooh kiwa dang chah ktah toh ka Maharashtra (1,20,802), Kerala (1,04,035), Karnataka (48,139), Andhra Pradesh (35,871), Tamil Nadu (35,881), Odisha (27,452), Assam (25,084) West Bengal (19,280) wa ha Telangana (12,454).
Na ki 18,38,490 tylli ki Test wa da leh ynnin ka sngi, kiwa chah ktah da em ki 2.34% kawa tip leh kam ka Positivity Rate kawa da neh hapoh 5% la 27 sngi kattu.
Heiyatoh wa i e tika hapoh ka ri, da dep wow e la 35,12,21,306 sien heiwa ynnin ka sngi da e 63,87,849 sien.
Waroh kiwa da chait da em ki 97.09% kiwa em 2,96,58,078 ngut, kiwa dang chah ktah da em ki 1.59% kiwa em 4,85,350 ngut, kiwa yap 1.32% kiwa em 4,02,005 ngut, deilang dapoi 3,05,45,433 ngut kiwa da dep yoh ya uni u khñiang hapoh ka ri.
