Kiwa dang yoh COVID-19 ha India da neh ki hapoh 2 lak ngut la 7 sngi khlem sangeh, kiwa dang chait da boon ki ya kiwa dang yoh la 21 sngi wei kiwa yoh ya uni u khñiang (Positivity Rate) na kiwa chah Test da neh ki hapoh 10% la 10 sngi.
Kiwa dang yoh ha kini ki 24 kynta da em ki 1,34,154 ngut, kiwa dang chait da em ki 2,11,499 ngut, kiwa dang yap 2,887 ngut, iwa mut wa kiwa dang em ya uni u khñiang da hiar ki da 80,232 ngut.
Ha kini ki 24 kynta da em leh 7 tylli ki jylla wa boon kiwa dang yoh ya kiwa chait kiwa kynthup ya ka Arunachal Pradesh wa tam da kiwa dang yoh 45 ngut, Manipur 93 ngut, Mizoram 77 ngut, Nagaland 107 ngut, Sikkim 111 ngut, Telangana 125 ngut wa ha Tripura 210 ngut.
Na ki 21,59,873 tylli ki Test wa da leh ynnin ka sngi kiwa yoh ya uni u khñiang da em ki 6.62% kawa tip leh kam ka Positivity Rate kawa da neh hapoh 10% la 10 sngi kattu.
Ki 5 tylli ki jylla wa em palat 10,000 ngut kiwa dang yoh toh ha Tamil Nadu 25,317 ngut, Kerala 19,661 ngut, Karnataka 16,387 ngut, Maharashtra 15,169 wa ha Andhra Pradesh 12,768 ngut.
Da em leh du 5 tylli ki jylla wa em palat 1 lak ngut kiwa dang chah ktah kiwa boon dooh ha Karnataka 2,93,045 ngut, Tamil Nadu 2,88,702 ngut, Maharashtra 2,18,844 ngut, Kerala 1,92,568 ngut wa ha Andhra Pradesh 1,43,795 ngut.
Waroh kiwa da chait da em ki 92.79% kiwa em 2,63,90,584 ngut, kiwa dang chah ktah da em ki 6.02% kiwa em 17,13,413 ngut, kiwa yap 1.19% kiwa em 3,37,989 ngut, deilang dapoi 2,84,41,986 ngut kiwa da dep yoh ya uni u khñiang hapoh ka ri.
Heiyatoh wa i e dawai tika, da dep wow e la 22,10,43,693 sien heiwa ynnin ka sngi da e 24,26,265 sien.
