Kiwa dang yoh COVID-19 ha India da neh ki hapoh 50,000 ngut la soo sngi khlem sangeh heiwa kiwa chait leh da boon ki ya kiwa dang yoh la 49 sngi khlem sangeh.
Kiwa dang yoh ha kini ki 24 kynta da em 48,786 ngut, kiwa dang chait da em ki 61,588 ngut, kiwa dang yap 1,005 ngut iwa mut wa kiwa dang em ya uni u khñiang da hiar ki da 13,807 ngut.
Ha kini ki 24 kynta da em leh 11 tylli ki jylla wa boon da kiwa dang yoh ya kiwa chait wa kynthup ya ka Arunachal Pradesh wa boon da kiwa dang yoh 75 ngut, Chhattisgarh (50), Dadra and Nagar Haveli and Daman and Diu (01), Goa (33), Kerala (1708), Ladakh (08), Lakshadweep (05), Manipur (89), Odisha (90), Puducherry (09) wa ka Tripura (295).
Ki jylla wa boon dooh kiwa dang chah ktah toh ka Maharashtra (1,19,558), Kerala (1,01,343), Karnataka (76,528), Andhra Pradesh (38,338), Tamil Nadu (38,191), Odisha (28,242), Assam (26,435) wa ha West Bengal (20,585).
Na ki 19,21,450 tylli ki Test wa da leh ha kini ki 24 kynta, kiwa chah ktah da em ki 2.54% kawa tip leh kam ka Positivity Rate kawa da neh hapoh 5% la 24 sngi.
Heiyatoh wa i e tika hapoh ka ri, da dep wow e la 33,57,16,019 sien heiwa ynnin ka sngi da e 27,60,345 sien.
Waroh kiwa da chait da em ki 96.97% kiwa em 2,94,88,918 ngut, kiwa dang chah ktah da em ki 1.72% kiwa em 5,23,257 ngut, kiwa dang yap 1.31% kiwa em 3,99,459 ngut, deilang dapoi 3,04,11,634 ngut kiwa da dep yoh ya uni u khñiang hapoh ka ri.
