Kiwa dang yoh COVID-19 ha India da neh ki hapoh 30,000 ngut la ar sngi heiwa ha kini ki 24 kynta kiwa dang yoh da em ki 27,254 ngut kiwa boon toh na Kerala wa em 20,240 ngut. Kiwa dang chait da em ki 37,687 ngut, kiwa dang yap 219 ngut iwa mut wa kiwa dang em ya uni u khñiang hapoh ka ri da hiar ki da 37,687 ngut. Kiwa dang yoh da neh ki leh hapoh 50,000 ngut la 78 sngi khlem sangeh.
Ynnin da em leh 7 tylli ki jylla wa boon da kiwa dang yoh ya kiwa chait wa boon dooh wa tam da kiwa dang yoh ha Tamil Nadu 74 ngut wa ha Puducherry 16 ngut.
Ki jylla wa boon dooh kiwa dang chah ktah toh ha Kerala (2,22,815), Maharashtra (51,244), Karnataka (16,683), Tamil Nadu (16,473), Andhra Pradesh (15,110), Mizoram (12,396), West Bengal (8,187), Odisha (6,136), Assam (5,702) wa ha Telangana (5,258).
Ki jylla wa duna dooh wa em kiwa dang chah ktah toh ha Lakshadweep (03), Dadra and Nagar Haveli and Daman and Diu (06), Andaman & Nicobar Islands (09), Chandigarh (30), Ladakh (30), Bihar (81), Rajasthan (89), Jharkhand (127), Madhya Pradesh (138), Gujarat (165), Uttar Pradesh (177), Punjab (306), Uttarakhand (312), Chhattisgarh (376), Delhi (390), Haryana (492), Tripura (505), Arunachal Pradesh (526), Nagaland (618), Goa (738), Sikkim (836) wa ha Puducherry (930).
Ynnin ka sngi da leh 12,08,247 tylli ki Test heiwa kiwa chah ktah da em ki 2.26% kawa tip leh kam ka Positivity Rate kawa da neh hapoh 3% la 14 sngi wa hapoh 5% la 97 sngi khlem sangeh.
Heiyatoh wa i e tika hapoh ka ri, da dep wow e la 74,38,37,643 sien heiwa ynnin ka sngi da e 53,38,945 sien.
Waroh kiwa da chait da em ki 97.54% kiwa em 3,24,47,032 ngut, kiwa dang chah ktah da em ki 1.13% kiwa em 3,74,269 ngut, kiwa da yap 1.33% kiwa em 4,42,874 ngut, deilang dapoi 3,32,64,175 ngut kiwa da dep yoh ya uni u khñiang hapoh ka ri.
